Love Always: "என்னுடைய முதல் வெப் சீரிஸ்!"- கொரிய வெப்டூனை தழுவி எடுக்கப்பட்ட சீரிஸில் நடிகை ஜெயசுதா

'வல்லமை தாராயோ', 'கே.டி என்கிற கருப்புதுரை' உள்ளிட்ட படங்களை இயக்கிய இயக்குநர் மதுமிதா இயக்கத்தில் உருவாகியிருக்கிறது 'லவ் ஆல்வேஸ்' வெப் சீரிஸ். இதில் நடிகை கௌரி கிஷன் முதன்மை கதாபாத்திரத்தில் நடித்திருக்கிறார். அத்தோடு, ஜெயபிரகாஷ், ஜெயசுதா ஆகியோரும் முக்கியக் கதாபாத்திரங்களில் நடித்திருக்கிறார்கள். இம்மாதம் 30-ம் தேதி இந்த சீரிஸ் வெளியாகிறது. கொரிய மொழியில் வெளியான 'ஹியர் வி கோ அகைன்' என்கிற பிரபல வெப்டூனை தழுவி இந்த சீரிஸ் எடுக்கப்பட்டிருக்கிறதாம்.Director Madhumithaஇந்த சீரிஸ் குறித்து நடிகை கௌரி கிஷன், " 'லவ் ஆல்வேஸ்' ஒரு புதுமையான கதைக் களம். அதே சமயம், நகைச்சுவை, உறவுகள் பற்றிய விஷயங்கள் என பலவும் இதில் இருக்கின்றன. அவை நமக்கு நெருக்கமாகும் வகையிலும் சொல்லப்பட்டிருக்கின்றன. உறவுகளைப் புதிய கோணத்தில் பார்க்க வேண்டும் என இக்கதையில் சொல்லப்பட்டதுதான் என்னை இந்த சீரிஸுக்குள் கொண்டு வந்தது. கலகலப்பான விஷயங்களோடு காதல், குடும்பம், ஏக்கம், வாழ்க்கை தரும் இரண்டாவது வாய்ப்பு என இதயத்தைத் தொடும் அம்சங்கள் நிறைந்துள்ளன.ரசிகர்கள் இந்த உணர்வுப்பூர்வமான பயணத்தைக் கண்டு, கதாபாத்திரங்களின் பல்வேறு கோணங்களை ரசிக்கப்போவதைப் பார்க்க நான் ஆவலுடன் காத்திருக்கிறேன்." எனப் பகிர்ந்திருக்கிறார்.Love Always Webseriesஇந்த சீரிஸ் குறித்து நடிகை ஜெயசுதா, "'லவ் ஆல்வேஸ்' தொடர் ஓர் அழகான கதையைக் கொண்ட சீரிஸ். இக்கதை மிகச் சுவாரஸ்யமாகவும் சொல்லப்பட்டிருக்கிறது. இத்தொடர் பல்வேறு தலைமுறைகளை ஒன்று சேர்த்து, உறவுகளைப் பற்றிய அவர்களின் பார்வையை விளக்கியது எனக்கு இக்கதையில் பிடித்திருந்தது. இது எனது முதல் வெப் சீரிஸ் என்பதால், நாங்கள் இதை உருவாக்கும்போது ரசித்து நடித்த அளவுக்கு ரசிகர்களும் இதனை ரசிப்பார்கள்." எனப் பேசியிருக்கிறார்.