'பதக்கம் வென்ற வீரர் வீராங்கனைகளுக்கு முதல்வர் விஜய் கொடுக்கும் விருந்து!' - அமைச்சர் ஆதவ் அப்டேட்

ஜப்பானில் நடைபெற்ற 20 ஆவதுஆசிய விளையாட்டுப் போட்டிகளில் பதக்கங்கள் வென்ற வீரர், வீராங்கனைகளுக்கு பாராட்டு விழா நேரு உள்விளையாட்டு அரங்கில் நடந்திருந்தது. அதில் அமைச்சர் ஆதவ் அர்ஜுனா பேசியதாவது, 'ஆசியப் போட்டியில் பதக்கங்கள் பெற்றவர்கள் தான் நமக்கு முன்னுதாரணம்.விளையாட்டுத் துறையில் நிறைய திட்டங்கள் செயல்படுத்த உள்ளோம்.அமைச்சர் ஆதவ்விளையாட்டு வீரர்களுக்கு குளிர்சாதன வசதியுடன் கூடிய விடுதிகள் அனைத்து மாவட்டங்களிலும் தயாராகி வருகின்றது.ஆசியப் போட்டிகளில் வெற்றி பெற்றவர்களுக்கு முதலமைச்சருடன் விருந்து ஏற்பாடு செய்யப்பட உள்ளது. அதில் விடுதியில் உள்ள மாணவர்களும் கலந்து கொள்ளும் வகையில் ஏற்பாடு செய்ய உள்ளோம்.தமிழ்நாட்டில் குறைந்தது 4 வருடத்திற்குள் அனைத்து sports city களும் உருவாகிவிடும்.8 வயது முதல் விளையாடி, ஒலிம்பிக் பதக்கம் வெல்லும் வரை தமிழ்நாடு அரசு உங்களுக்கு உறுதுணையாக இருக்கும்.விளையாட்டு வீரர்களுக்கு வழங்கப்படும் பரிசுத் தொகைகளைப் போன்று, அதே தொகையை பயிற்சியாளர்களுக்கும் வழங்க முதலமைச்சரிடம் கோரிக்கை வைக்க உள்ளோம்; முதலமைச்சர் நிச்சயம் அதை ஏற்பார்.நம் திறமைகளை அறிந்து,அதை வளர்த்து, போட்டிகளில் பங்கேற்று, வெற்றிகளைப் பெற வேண்டும்.அமைச்சர் ஆதவ்மாணவர்கள் யூடியூப்- இல் படங்கள் பார்ப்பதை விட, விளையாட்டை மேம்படுத்த தேவையான விஷயங்களை பார்த்து, திறனை வளர்த்துக் கொள்ள வேண்டும்.இந்தியா மற்றும் நம் மாநிலமே ஆசியப் போட்டிகளில் வெற்றவர்களை கண்டு பெருமை கொள்ளும் தருணம் இது' என்றார்.